Шон Пен се договорил со папарацото што го нападнал

Папарацо фоторепортерот кој холивудскиот глумец Шон Пен го нападнал откако го снимал одлучил да ја прифати вонсудската спогодба со познатиот актер. Пред речиси една година, калифорнискиот суд одлучи да го казни Шон Пен поради напад на папарацо фоторепортерот и тоа со три години условна казна, која морал да ја “одработи“ со 300 часови општокорисна работа и 36 часа да посетува група за лечење на агресивноста. Но, дотичниот папарацо фоторепортер поднесол и граѓанска тужба со која побарал значителна сума оштета, тврдејќи дека Шон Пен го удрил толку силно што морал по нападот да го оперира коленото. По ова, адвокатскиот тим на познатиот глумец во понеделникот одлучил да се договори со “тешко повредениот папарацо фоторепортер“. Во јавноста се уште не е откриено колкава оштета добил фоторепортерот.

Извор: Нетпрес