Чоколадото го намалува ризикот од мозочен удар кај жените. Каснете си без грижа на совест!

Последните истражувања на универзитетот во Шведска покажаа дека жените кои јадат чоколадо во умерени количини значително ги намалуваат шансите да доживеат мозочен удар.

Според истражувањето, состојките на чоколадото го намалуваат високиот крвен притисок кај жените, кој е основна причина за мозочен удар. Истражувачите препорачуваат конзумирање на црно чоколадо, бидејќи во млечното чоколадо има многу повеќе шеќери.

Сепак, внимателно со овој сладок десерт, затоа што преголемото конзумирање на чоколадо значи премногу калории, масти и шеќери кои му штетат на вашиот организам. Сепак, од време на време, каснете си чоколадо без грижа на совест, зашто тоа е добро за вашето тело.