Откриени пет нови гени виновни за Алцхајмерова болест

Научниците успеале да идентификуваат пет нови гени, кои кај старите луѓе го потикнуваат развојот на најчестиот облик на деминација- Алцхајмерова болест.

Научниците од францускиот Институт за здравство заедно со професори од британскиот Универзитет Кардиф, внесоа неколку важни елементи во понатамошното истражување за оваа неизлечива болест, која се шири се повеќе во светот.

По анализата на повеќе гени, на 60.000 луѓе од кои третината од нив страдале од оваа болест, тие дошле до заклучок и успеале да го изолираат генот одговорен за оваа болест, пренесе Ројтерс.

Ова откритие е многу важно за да се развијат терапии за лекување или спречување на оваа болест, бидејќи во моментов не постои лек за неа. Од Алцхајмерова болест во светот моментно боледуваат 35 милиони луѓе. Меѓународната асоцијација за борба против оваа болест предвидуваат дека овој број за 20 години ќе биде двојно поголем доколку не се превземе нешто.