На аукција масата на која е напишан романот Дракула!

Работната масата на која Брам Стокер во 1897 година го напишал своето познато дело “Дракула” следниот месец ќе биде понудена на аукција.

Претходно била обновена и претворена во уметничко дело.

Масата која една компанија од Калифорнија ќе ја понуди на аукција на 15 и 16 декември има долга историја поради која била речиси уништена. На масата и недостасуале фиоки и ногарките и биле исечени.

Брам Стокер, кој почина во 1912 година, масата ја подарил на свој пријател Ј.С.Р. Филипс. Сегашниот сопственик на масата го најмил британскиот производител на мебел и дизјанер Марк Бразиер –Џонс да ја сочува, но и да ја претвори во уметничко дело.

Џонс изјавил дека сакал да ги сочува сите текстури и пукнатини на масата, но и сакал да оддаде почит на човекот кој го воведе вампирот грофот Дракула во модерна поп – култура.

Неговите додатоци вклучуваат изгравирани призори достојни за инспирација и визија за голем човек. Врежани се лилјаци, диви кучиња и рози со трње и пупки. На масата се вградени и две тајни прегради кои ќе бидат порикажени на купувачите.

Се очекува дека масата ќе достигне цена помеѓу 60.000 и 80.000 долари.