Духот на Витни Хјустон го опседна домот на нејзината ќерка

Прв пат по смртта на својата мајка, Боби Кристина одлучила да ги подели своите чувства со јавноста и тоа во екслузивен разговор со Опра Винфри. Во таа прилика изјавила дека нејзе ја опседнува духот на нејзината мајка Витни.

Деветнаесетгодишната ќерка на познатата пејачка тврди: „Во куќата необјасниво се палат и гасат светла, а јас се прашува што тоа мама прави? Сеуште се смееме заедно и разговараме. Го слушам нејзиниот глас кој ми збори да продолжам со животот и да е со мене.”

Иако секоја ноќ се буди и чувствува дека мајка и ја гледа, признава дека духовната присутност ја смирува и ја инспирира. Исто, тврди дека до толку е поврзана и испреплетена со духот на својата мајка да ќе се впушти во шоубизнис водите бидејќи е сигурна дека нејзината мајка тоа го сака.

Засега не е познато дали во домот кој наводно го опседнува Витни ќе биде спроведена истрага на паранормални појави, па мораме да веруваме на зборовите на Кристина. Но, доколку Опра и поверувала, нема причина за сомнеж, нели?