Потребни состојки:
Тесто:
- 125гр путер
- 250мл вода
- 125гр брашно
- 4 јајца
- малку сол
Крем:
- кесичка пудинг од ванила
- 500мл млеко
- 4 лажици шеќер
- 200гр маргарин
Начин на подготовка:
Путерот заедно со водата и солта, растопете ги во тава на умерена температура, додадете брашно, добро измешајте и тргнете од оган. На оладеното тесто, со постојано мешање, додадете ги изматените јајца. Тестото ставете го во шприц и со него директно на плех обложен со хартија за печење направете крофнички. Водете сметка помеѓу крофните да има доволно простор. Печете ги крофните во рерна загреана на 200 степени околу 10 минути, намалете ја температурата, па печете уште 5 минути. Оставете да се олади.
Сместа од кесичката пудинг помешајте ја со 100мл млеко, добро измешајте, додадете во тава со шеќер и останатото млеко и варете пет минути. Оладете го пудингот, но од време на време помешајте да не се направи кора на површината. Путерот растопете го и потоа помешајте го заедно со пудингот. Основниот крем помешајте го со две лажици исецкани ореви и бадеми, па со овој крем полнете ги крофните.