Паста со чаден лосос

Лососот кој е богат со омега-3 , масни киселини, е риба која нутриционистите без двоумење ја препорачуваат за здравјето на крвниот систем . Освен тоа Лососот се карактеризира со одличен вкус.

 

Потребни состојки:

•   250г. Чаден лосос
•   500г. Широки резанки
•   Три поголеми дршки аспарагус
•   2 чешниња, млад лук
•   Половина чешне, обичен лук
•   Малку сок од лимон
•   200мл.павлака за готвење
•   1дл. – бело вино
•    Сол, бибер
•    Малку свеж магданос
•    2 лажици путер

Начин на подготовка:

1. Сварете го тестото.
2. На путерот испржете ситно насецкан обичен лук, додека не поприми златна боја, потоа додадете ја павлаката за готвење и лососот кој претходно те го исекле на парчиња.
3. Додадете сол, бибер, млад лук и аспарагус исецкан на ситни парчиња и варете на млак оган 5мин.
4. Полијте со бело вино и на крајот додадете ја тестенината. Украсете со свеж магданос. Сервирајте топло со пармезан.