Шведското национално младинско друштво, во понеделникот изнесе податок дека во оваа земја има дури два пати повеќе млади мажи кои се продаваат за сексуални услуги, отколку жените.
Според истражувањата, 2,1% од мажите на старост од 16 до 25 години изјавиле дека си го продавале телото за сексуални услуги во текот на 2012-та година, во споредба со 0,8% од жените. Позади овие бројки стојат околу 20 илјади лица на кои итно им е потребна помош.
Претставник на шведската Асоцијација за сексуална едукација изјавил дека постои можност младите хомосексуалци полесно да ја прифатат нивната сексуалност, ако тоа го прават во замена за финансиска корист.
Резултатите од ова истражување покажале дека 21,9% од лицата на оваа возраст сметаат дека е прифатливо да се даваат сексуални услуги за некој вид компензација.
Дури половина од клиентите кои плаќале за машки и женски проститутки помлади од 26 години, исто така имале помалку од 26 години.