Природни маски за сува и оштетена коса

Сувата, хемиски и термички третирана коса има потреба од специални грижи. Козметиката треба да биде со двоен ефект – да ја регенерира и заштитува.

Маска за бојадисана коса од авокадо – Добро узреано авокадо се лупи и потоа се пасира додека не се добие каша. Ако е потврдо авокадото тогаш се ренда. Кон кашата додадете и едно јајце, една лажица лимонов сок и две лажици бадемово масло. Готовата маска нанесете ја по целата должина на косата. Завиткајте најпрво со полиетиленска капа, а после и со топла крпа од горе. После половина час измијте со топла вода и шампон.

Маска за сува и оштетена коса од јаболко – Кон сокот од едно јаболко додадете по една лажица ленено масло и мед. Нанесете на чиста коса по должината. Оставете да делува половина час.