Џастин Бибер не може да се пофали со успешен старт на неговата светска турнеја. Продолжението на незгодите следеше во понеделникот кога го исфрлиле од хотелот Le Meurice, еден од најпрестижните во Париз. Причината било неговото некултурно однесување.
Џастин за себе и екипата резервирал седум апартмани, а информацијата за неговото бркање од хотелот потекнува од радио водителот Жан Марк Моранди кој еве што напишал на својот блог:
„Тоа е одлука на управата од хотелот поради непријатноста која беше предизвикана од неговите фанови пред зградата. Галамата беше неподнослива што не им се допаѓаше на останатите гости. Џастин своите фанови ги потикнуваше на тоа па затоа го замолија да си оди“, вели изворот.