Нов ден, нови информации за “iPhone 5S” и “iPhone 5C”

10 Септември е денот кога “Apple” ќе ги најави своите нови модели “iPhone 5S” и “iPhone 5C”, а до тогаш интернетот ќе биде преполн со претпоставки, лажни информации и разни “протекувања” на тајни информации и фотографии.

Голем број блогови веќе објавија фотографии од новите модели и веќе е познато дека едниот модел ќе биде достапен во нова златна боја, покрај стандардните бели и црни модели. Новиот “iPhone 5S” се претпоставува дека ќе има двоен “LED” блиц и сензор за отпечаток од прст.

Од друга страна, “iPhone 5C” ќе биде поевтината опција и најверојатно ќе биде достапна во повеќе бои.