После месеци бета тестирање на сервисот Outlook.com компанијата отвара нов вебмејл за јавноста. Овој чекор исто така значи дека Мајкрософт ќе го угаси Hotmail и ќе ги префрли сите корисници на новиот Outlook сервис.
„Ова не беше ни малку лесна одлука. Не познавам друга компанија со толку голем број корисници што одлучила да го смени името на брендот. Меѓутоа ова е нешто ново и шанса да се подготвивме за иднината“, изјавил Дармеш Мехта, маркетинг директорот на компанијата.
Новиот сервис ќе им овозможи на своите корисници полесна интеграција со социјалните мрежи како што се Фејзбук, Твитер и др.
Hotmail за прв пат е претставен во 1996 година и откупен од страна на Мајкрософт во 1998-та за сума од 400 милиони долари.
Иако Hotmail донекаде падна во сенката на Gmail, сепак и понатака важи за еден од водечките сервиси со над 300 милиони корисници.