Мусака со пире од компири

Потребни состојки:

За пире:

• 800гр бел компир
• 40гр путер
• 50мл млеко
• сол

За фил:

• 500гр мелено говедско месо
• 2 главици кромид
• лажичка исецкан магдонос
• сол
• бибер
• 100гр кашкавал

Начин на подготовка:

Исчистете го компирот, исечете го на коцки и варете десет минути во врела вода. Потоа исцедете го од вишокот течности, посолете и изматете со путер и млеко. За фил пропржете го исецканиот кромид, додадете мелено месо и зачини, па продолжете да пржите со мешање. На крајот додадете исецкан магдонос. Во подмачкан огноотпорен сад ставете половина од подготвеното пире од компири, одозгора ставете фил од месо, и на крајот останатиот дел од пирето од компир. Печете десетина минути на 180 – 200 степени. На топлата мусака посипете рендан кашкавал.