25 септември, 2017

Радио

Сакам да ја посетам Македонија и да се сретнам со моите поддржувачи во оваа земја. За жал, згуснатиот распоред на светските турнири ме оневозможува во тоа. Но, сигурно ќе дојдам наскоро, а можно е тоа да го сториме со репрезентацијата на Србија, зошто да не?

Ова е пораката што синоќа од Шарлроа, Белгија, ја испрати најдобриот светски тенисер, Новак Ѓоковиќ.

– Следам на социјалните мрежи дека имам голем број на поддржувачи од Македонија, за што неизмерно им благодарам – вели Ноле на прашањето дали знае дека е ултрапопуларен и во нашата земја.

Тој запрашан дали познава некого од активните македонски тенисери, Ноле искрено одговорил дека „За жал, во моментов не знам кои се македонски тенисери“.

– Затоа го знам и највеќе го ценам Тоше Проески. Тоа што Тоше го направи е историско. Тој е легенда, која за жал не е повеќе меѓу нас, но неговите песни траат, неговата музика масовно се слуша. Тоше е фантастичен – рече Ѓоковиќ на прес-конференцијата во Белгија.

Тој користејќи ја приликата рече дека на македонскиот народ му посакува се најдобро и се надева дека ќе се видиме, да се дружиме и да ја запееме „Зајди, зајди”.

 

Остави коментар

Почетна // вести // балкан // Ѓоковиќ: Тоше е легенда, тоа што тој го направи е историско!
Горе