Животот секогаш ти го враќа тоа што го даваш…

Еден ден, еден човек со својот син отишле во шумата…

Одеднаш момчето застанало и чувствувајќи замор, извикало: „Аххх..!“ Ненадејно се слушнал глас кој доаѓал од планината: „Аххх..!“

Го обземала љубопитноста па викнало: „Кој си ти?“ Ама, одговорот кој го добило бил: „Кој си ти?“ Ова го налутило па повторно извикало: „Кукавицо„, гласот одговорил „Кукавицо„! Момчето го погледнало својот татко и го прашало: „Тато што се случува?„  „Сине„ рекол таткото „обрни внимание„.

Тогаш таткото рекол „Ти се восхитувам!„ Гласот одговорил: „Ти се восхитувам!„ Таткото повортно викнал „Прекрасен си„ гласот рекол „Прекрасен си„. Момчето стоело изненадено ама сеуште не сфатило што се случува.

Таткото му објаснил: „ Луѓето ова го нарекуваат ЕХО. Ама всушност тоа е ЖИВОТ. Животот секогаш ти го враќа тоа што го даваш. Животот е огледало на твоите дела. Ако сакаш повеќе Љубов пружи повеќе Љубов.

Ако сакаш разбирање и почитување, тогаш имај разбирање и почит. Животот секогаш ти го враќа тоа што го даваш. Текот на твојот живот не е случајност, тој е огледало на твоите дела!„