Пити со сирење

Потребни состојки:

• 500 г тенки кори
• 500 г кравјо сирење
• 4 јајца
• 150 г маргарин
• 180 г павлака
• 1 лажица сол

Начин на подготовка:

Изматете ги јајцата со миксер, додајте омекнат маргарин, сирење, павлака и сол и добро измешајте. Корите и смесата поделете ги на половина. На првата кора ставете две лажици од смесата и премачкајте ја. На неа ставете ја другата кора и исто така премачкајте ја со смесата. Продолжете така сè додека не ја истрошите половината од корите и смесата, па замотајте ја во ролат. Направете уште еден таков ролат, па со нож исечете ги на кружни парчиња со ширина на два прста. Поставете ги питите на мрсна хартија во тава и печете во рерна на 200 степени, околу 20 минути.