Ја каменувале за да ја одбранат честа на семејството!

Фарзана Икбал чекал да се отвори Високиот суд во Лахоре кога пристигнала група од десетина мажи и ја нападнале со цигли и камења, изјавил еден локален полициски службеник пренесува Reuters. Меѓу напаѓачите биле нејзиниот татко, браќата и поранешниот вереник. Икбал добила тешки повреди на главата и починала во болница.

Сите напаѓачи се разбегале, освен нејзиниот татко кој го признал убиството и објаснил дека станува збор за прашање на семејната чест.

Икбал била верена за роднина, но се омажила за друг маж што нејзиното семејство го пријавило како грабнување. Младата жена дошла на пред судот да сведочи дека се омажила по сопствена волја, и дека не станува збор за грабнување.

Секоја година околу илјади жени во Пакистан гинат од рацете на членовите на нивните семејства во ткн злосторства од чест, се наведува во извештајот на групата за човекови права Aurat. Меѓутоа, се тврди дека вистинските бројки се многу поголеми, бидејќи ваквите извештаи се темелат само на новински извештаи, додека владата во Исламабад не води национална статистика за овој проблем.

Злосторствата од чест ги извршуваат главно членови на семејството, а доколку и бидат осудени, најчесто излегуваат од затвор, бидејќи пакистанскиот закон им дозволува на семејствата на жртвата да му простат на сторителот.