Фејсбук тестира нов сервис за личен асистент

Корисниците на апликацијата Facebook Messenger наскоро ќе можат да имаат личен асистент кој ќе им помага во купување, планирање состаноци или резервации на патувања.

Дејвид Маркус го најавил новиот сервис наречен “M” кој ќе работи со помош на вештачка инелигенција. Маркус изјавил дека вештачката интелигенција ќе ги обучува и надгледува луѓето и дека тој сервис ќе може да ги разбира прашањата и да делува на основата на нив.

За разлика од други сервиси кои се базирани на вештачка интелигенција кои се достапни на пазарот, како што е Siri, Google Now или Microsoft’s Cortana, “M” навистина ќе ги одгатне загатките во име на корисникот.

Сервисот е сеуште во фаза на тест и не се знае кога ќе може да биде достапен на сите корисници на Messenger.