Си заминаа два ангели на “Victoria’s Secret” но затоа дојдоа нови десет

По заминувањето на Клос и Крус, Викторија сикрет објави 10 нови ангели во нејзините „редови“.

Откако двата топмодела Даутцен Крус и Карли Клос, познати како едни од ангелите на Викторија сикрет, ја напуштија компанијата поради други обврски, познатата компанија за долна облека ги објави имињата (и ликовите, и телата) на своите нови 10 ангели.

Ќе забележите повеќе препознатливи имиња кои и до сега беа ангажирани во кампањите на Викторија сикрет, но немаа „ангелски крилја“. Повеќе од новите ангели се од белата раса, што беше и очекувано. Фановите на оваа компанија велат дека ќе беше добро да се видат и ликови од Азија или Средниот Исток. Ова пак оди во прилог на кампањата на Лејн Брајант „Јас не сум ангел“, која е насочена против политака на Викторија сикрет.

Се разбира, сите овие девојки се прекрасни и суперзгодни. А ова засега е најголемиот број на ангели кои ја презентираат модната марка.