Mazda RX-9 концепт
6 септември, 20160
Најновите гласини во врска со наследникот на Mazda RX-8 доаѓаат од Јапонија и тоа од сајтот Holiday Auto кој тврди дека Mazda ќе го претстави моделот RX-9 на Tokyo Motor Show 2019. Но, пред тоа да се случи, компанијата наводно ќе го претстави продукцискиот модел како концепт уште наредната година, исто така на саемот за автомобили во Токио.
Јапонскиот сајт тврди дека RX-9 ќе користи 1.6 литарски Wankel мотор со два ротора и тубо полнач, со моќност од околу 400 коњски сили, а автомобилот би требало да има забрзување како кај моторите.
Продукцискиот модел се очекува да тежи околу 1300 килограми, што RX-9 би го правело екстремно брзо и агилно возило.