Apple ќе лансира нов, поевтин iPhone

По успехот на евтиниот iPhone SE, кој го привлече вниманието како на развиените, така и на пазарите во развој, Apple подготвува нова верзија на евтиниот смартфон – iPhone SE 2.

Таа е наменета за љубителите на помалите дисплеи и кои сакаат поевтин iPhone, особено корисниците во земјите во развој, кои не можат да си дозволат скапи уреди на Apple. IPhone SE 2 ќе чини околу 450 долари и ќе има 4-инчен екран, многу помал од 4.7-инчниот дисплеј на iPhone 7 и iPhone 8.

Цената на сегашниот модел започнува од 349 долари, што е за 200 долари поевтина од следниот најприфатлив смартфон на Apple – iPhone 7.

iPhone SE 2 пак ќе чини околу 450 долари, поскап од својот претходник, но и поевтин од iPhone 7. Веројатно смартфонот ќе има помоќен процесор за стартување на новиот оперативен систем на Apple – iOS 11. Уредот најверојатно ќе има ист 4-инчен екран како iPhone SE, но ќе има
функцијата за препознавање на отпечатоци. Најверојатно ќе биде достапен во 2 верзии – 32GB и 128GB.

Технолошката компанија Wistron од Тајван најверојатно ќе учествува во неговото производство, а монтажата ќе се одржи во Бангалор, Индија. Поради својот огромен потенцијал, Индија ќе се користи како производствена база за извоз на мобилни телефони на Apple низ целиот свет.