Чоколадни колачиња со карамела

20 февруари, 20170
9

Во средината на овие крцкави колачиња ве очекува слатко изненадување…

Состојки:

  • 380 гр брашно
  • 230 гр омекнат путер
  • 230 гр шеќер + 1 лажица
  • 230 гр кафеав шеќер
  • 2 јајца
  • 2 лажички екстракт од ванила
  • 1 лажичка сода бикарбона
  • 90 гр какао
  • 130 гр исечкани ореви
  • 48 карамел бонбони

Начин на подготовка:

Добро разматете го путерот и постепено додавајте 230 гр бел шеќер и 230 гр кафеав шеќер. Додајте ги и јајцата и екстрактот од ванила и сè добро разматете.

Измешајте го брашното, содата и какаото и постепено додавајте ја мешавината со путер. Сè добро разматете и додајте половина од оревите. Покријте ја смесата и оставете ја во фрижидер околу 2 часа.

Рерната загрејте ја на 190 степени.

Измешајте ги останатите ореви со една лажица шеќер.

Смесата извадете ја од фрижидер и поделете ја на 4 дела. Обликувајте дел по дел, а остатокот чувајте го во фрижидер. Секој дел од смесата поделете го на 12 мали делови. Растегнете ги малите делови, па во средина на секој ставајте карамела и околу неа обликувајте круг со смесата. Облкуваните колачи потоа извалкајте ги во мешавината од ореви и шеќер (наместо сечкани, можете да измешате шеќер со мелени ореви). Редете ги колачите во плех обложен со хартија за печење.

Печете ги колачињата во загреана рерна околу 8-10 минути. Оставете ги да се изладат, па послужете.
Уживајте!

Leave a Reply

Your email address will not be published. Required fields are marked *