Њоки од сирење и спанаќ

Потребни состојки:

• 500гр свеж спанаќ
• 500гр кравјо сирење
• 80гр брашно
• 80гр рендан пармезан
• 2 јајца
• малку морско оревче
• 16 листови мудрец
• 40гр путер
• сол

Начин на подготовка:

Исчистете го спанаќот, листовите измијте ги под млаз вода. Измиен и исцеден ставете го во зовриена солена вода и варете 3-4 минути додека листовите не омекнат. Измијте ги под ладна вода, исцедете и ситно исецкајте.

Сирењето и исецканиот спанаќ добро измешајте ги и потоа додадете пармезан, јајца, малку морско оревче, сол и брашно. Кога ќе добиете изедначена смеса направете топчиња со големина на орево. По потреба додадете повеќе брашно.

Њоките тркалајте ги во брашно и варете во поголема тава со многу солена вода која врие на тивок оган. Путерот стопете го во помала тава, додадете го исчистениот мудрец и пржете додека листовите не бидат малку крцкави.

Њоките исцедете ги со лажица штом ќе испловат на површина, распоредете ги во чинија за сервирање, зачинете со сос од путер и мудрец. Послужете со преостанатиот пармезан од страна.