Торта со портокал и чоколадо
Состојки:
- 4 јајца
- 300 гр шеќер
- 100 гр мелени ореви
- 200 гр брашно
- рендана кора од 1 лимон
- 1/2 кесичка прашок за пециво
- 10 лажици вода
Состојки за фил:
- 150 гр шеќер во прав
- 150 гр путер
- 3 лажици скроб
- 3 реда чоколадо
- сок од 2 портокали
- 1/2 л млеко
Начин на подготовка:
Со миксер разматете 4 жолчки, додајте шеќер и матете додека не добиете пенаста смеса. Додајте 10 лажици вода, една по една. Потоа намалете ја брзината, па постепено додавајте прво брашно измешано со прашок за пециво, мелени ореви и изрендана кора од лимон. На крај додајте 4 белки кои претходно сте ги разматиле во цврст снег. Калапот за торта намастете го со масло и посипете го со брашно, па ставете ја разматената смеса. Печете на умерена температура околу половина час.
За филот прво подгответе скроб, така што 3 лажици ќе ги ставите во 1/2 л млеко и гответе додека не зоврие. Потоа додајте чоколадо, оставете да врие уште 2-3 минути, тргнете го од оган и оставете го целосно да се излади.
Разматете пенасто путер со шеќер во прав. Полека додајте го зготвениот скроб, лажица по лажица.
Испечената и изладена кора пресечете ја на поливина така што ќе добиете две кори. На чинија за торта ставете една кора, пропрскајте ја со сок од портокал и филувајте. Преку ставете ја другата кора, пропрскајте ја со сок од портокал, па филувајте од горе и од страна. На крај изрендајте чоколадо преку тортата.