Вкусен сос од печени пиперки и ореви

Потребни состојки:

800 гр. црвени пиперки

1 луто феферонче

2 чешниња лук

½ лимон

50 гр. ореви

¼ лажичка мелен ким

½ лажица сол

50 мл. масло за јадење

30 гр. лебни трошки

Припрема:

Измијте ги пиперките и испечете ги на решетката од рерната загреана на 200 степени. Печете ги пиперките околу 40тина минути, а одвреме навреме превртете ги. Откако ќе се испечат излупете ги и исчистете ги од семки.

Во посебен сад ставете ги излупените пиперки, ситно сецканиот лук, феферонката, сокот од половина лимон, кимот и малку испечените ореви. Смесата ставете ја во блендер или сецко и мешајте се додека не добиете хомогена смеса.

Потоа во смесата додадете сол, маслиново масло и лебни трошки и промешајте. Сосот послужете го со солени крекери, чипс или препечен леб.