Двајца полицајци се фатени како прават селфи пред куќа што гори

Затоа што сакале „жешко“ селфи?

Двајца полицајци од Лонг Ајленд, Њу Јорк, биле фатени на видео правејќи селфиа пред куќа обвиена во пламен. На крај, куќата изгорела и додека, за среќа, никој не бил повреден, полицајците се соочени со сериозен проблем за фотографирањето, известува NBC.

„Содржината на ова видео е многу загрижувачка за одделот и моментално е под истрага,“ изјави Полицискиот оддел на општината Насау. „Ако се утврди дека овие полицајци прекршиле некои од правилата и регулативите на одделот, тие ќе бидат соодветно дисциплинирани.“

Според весникот Washington Post, легислаторот од општината Насау, Кеван Абрахамс, изјави дека делата на полицајците претставуваат „најниско ниво на професионализам“.

Не е јасно кој го снимил видеото и која ќе биде казната, ако воопшто има казна, за полицајците.