СЕЛАНИ ГО РАСПАРАЛЕ СТОМАКОТ НА 7 МЕТАРСКИ ПИТОН – Она што го пронашле внатре ги шокирало
30 март, 20170
Жителите на индонезиско село го пронашле својот исчезнат соселанец во телото не питон чијашто должина изнесувала седум метри, пренесува Daily Mail.
Потрагата по 25-годишниот Акбар Салубиро, кој отишол да собира палмово масло и не се вратил, ја организирале неговите пријатели и роднини.
Во дворот на домот на Салубиро тие пронашле огромен питон. Откако го распарале стомакот на рептилот, селаните таму го нашле својот исчезнат пријател, кој веќе бил мртов. Се претпоставува дека питонот прво го задушил човекот, а потоа го проголтал.
Локалните медиуми пишуваат дека соселаните изјавиле дека слушале крици недалеку од куќата на Салубиро ден пред тој да биде пронајден мртов.