Снимен реткиот морски змеј

Истражувачите успеале неодамна да го снимат новиот претставник на семејството на иглести риби – виолетовиот морски змеј.

Овој нов вид првпат беше откриен во 2015 година, но тогаш истражувачите дојдоа до заклучокот врз експонат од австралиски музеј. Тогаш научниците ја дешифрираа ДНК земена од примероците најдени од 1919 до 2997 година. Сега, пак, е добиена фактичка потврда за неговото постоење.

Морските змејови се„роднини“ на морските кончиња. Во моментов на научниците им се познати три вида – обичните (Phyllopteryx taeniolatus), листовидните (Phycodurus eques) и виолетовиот (Phyllopteryx dewysea). За разлика од првите два вида, виолетовиот морски змеј најмногу потсетува на морско конче.

Научниците претпоставуваат дека виолетовите (рубиновите) змејови живеат на длабочини од над 50 метри, а светло црвената боја им помага да се прикријат од грабливците во пластовите морска вода.