Во Хонг Конг паркинг место може да чини богатство

И додека сопствениците на Jaguar и Rolls Royce автомобилите сигурно трошат значајни износи за паркирање на своите автомобили на сигурно паркинг место или гаража, тој износ е неспоредлив со најскапиот паркинг простор во Хонг Конг.

Па колку може да чини се прашувате? Одговорот е, точно 664.000 долари и не збориме за цела гаража, туку само за едно паркинг место во голема гаража.

Изгледа дека пазарот за недвижности во Хонг Конг го постигна својот максимум, кога за обично место за паркирање треба да издвоите износ за кого обичните луѓе може да купат куќа, автомобил или викендица.

“Ова е навистина лудо“, изјави Ленон Чој професор на Универзитетот во Хонг Конг, бидејќи за тој износ и во овој град може да купите куќа.

Извршниот директор на Huarong Investment Stock Corporation, Кван Вај Минг кој е сопственик на овој простор, не остана воздржан на коментарите, а како дополнителна информација е дека минатата година паркинг местата чинеа 615.000 долари.

Пазарот на недвижности како да полуде, и овој тренд се продолжува. Ризик од прегревање на пазарот на недвижности се продолжува, а судејќи според изјавите од експертите, не се знае кога ќе почнат да се намалуваат цените.