Мајли Сајрус повторно гола за насловната страница на книгата на Дејвид Ла Шапел

Иако неодамна популарната американска пејачка Мајли Сајрус изјави дека најголемата грешка во нејзината кариера е видеоспотот за песната “Wrecking Ball” во кој се појавува гола, поранешната ѕвезда на Disney, повторно се соблече за насловната страница на новата книга на познатиот фотограф Дејвид Ла Шапел.

Во книгата со наслов “Lost Аnd Found” ќе бидат објавени досега невидени фотографии кои ги снимил овој фотограф во својата 30. годишна кариера. Покрај фотографии од неговите интересни патувања, во книгата ќе бидат прикажани и портрети на Ејми Вајнхаус, Мајкл Џексон, Лејди Гага и Тупак.

Дејвид, за насловната страница ја фотографирал Мајли во затворска ќелија. На една од фотографиите, таа клечи гола на подот, свртена кон прозорците низ кои пробиваат сончеви зраци. На алтернативната насловна страница, Мајли со помош на Фотошоп е “претворена” во шарена вила во истата затворска ќелија, а нејзините интимни делови се прекриени со розеви кристали.