Сања Долежал: „Живеам на село, сама месам леб“

Поранешната пејачка на хрватската група „Нови фосили“ во минатото викендичката на село ја користела за да избега од градската врева и популарноста, а денес во градот доаѓа само кога мора. Таа деновите ги минува во куќата на село каде што сама си одгледува домати, а меси и леб.

„Ќерката Лана и синот Лука се доволно возрасни за да не мора да сум цело време покрај нив, па решив да се преселам во мојата мала оаза“, изјавила Долежал за магазинот „Хелоу“.

„Во моето село има една мала продавничка, едно кафуле и тоа е сѐ. Ретко кога купувам во продавницата зашто сама месам леб, а имам и домашно месо. Засадив домати и краставици, кои дадоа добар род, ама тиквичките не ми успеаја. Автомобилот не ми треба, освен кога одам во град“, рекла Сања.