Летна фризура за оние кои не се вешти со рацете: Јастог плетенка

Рибината коска е една од најпопуларните фризури која е фаворит на сите генерации. Но, оваа вечна фризура досегна нова, модерна верзија и таа веднаш стана хит.

Ако сакате да го испробате новиот тренд, не мора да одите на фризер бидејќи во само неколку минути можете сами да ја направите.

Потребно ви е:

• чешел за тапирање
• штипки за коса
• шноли
• ластици за коса
• лак за коса

Постапка:

1. Исчешлајте ја косата, истапирајте го профилот и префрлете ја на една страна.

2. Ако имате шишки префрлете ги на другата страна и пуштете ги пократките прамени слободно да паѓаат на лицето.

3. Поделете ја косата на 2 дела: преден, помал дел со коса која паѓа на лицето и заден, поголем дел со тилот на главата.

4. Поделете го задниот дел на 3 прамени и намотајте го секој од нив. Привремено прицврстете со шнола за да не се одмота.

5. Предниот, помал дел поделете го на 2 дела. Секој дел прво одделно смотајте го, а потоа и меѓусебно за да добиете еден дебел завиткан прамен.

6. И задниот дел замотајте го во еден прамен. Потоа, предниот и задниот дел завиткајте ги еден околу друг и со фуркети прицврстете ја косата зад ушите т.е. на долниот дел од главата и хоризонтално пикнете го во плетенката.

7. За крај, завршетокот прицврстете го со ластик за коса и испрскајте ја плетенката со лак и наместете по желба.

Совет плус: Ако не сте вешти со плетење на косата, тогаш завитканите преден и заден дел одделно врзете ги со ластик кај коренот и потоа мотајте ги заедно. Кога ќе ја сплетете косата, пресечете ги двете ластичиња за коса со помош на ножици.