Подгответе домашна маска со која ќе го спречите стареењето на кожата

13 март, 2017
14

Антиоксидансите се важен елемент за одржување на добро здравје на кожата, а воедно и за да се спречи процесот на стареење. Затоа обрнете им поголемо внимание и потрудете се да се застапени во голема количина во вашата исхрана. Освен преку исхраната на кожата може да и ги приуштите и со маските, особено со оние кои може самите да си ги подготвите во домашни услови, бидејќи тогаш користите исклучиво природни состојки за нивна изработка.

За една таква маска потребно ви е:

–          Третина шолја боровинки

–          Третина шолја брусници

–          Една лажица оригано

–          Четири лажици јогурт

–          Три лажици мед

Убаво измешајте ги состојките и со нив направете густа смеса која ќе ја нанесете на лицето, вратот и деколтето. Оставете нека делува половина час па измијте се со млака вода.