Рецептот за најдобриот козметички третман на лице за кој ви е потребно само вода!
Блескава, здрава, негувана кожа на лицето – тоа е она за што сите дами мечтаат. Прв чекор кон тоа е совршено чиста кожа, а ниеден тоник или лосион нема во потполност да го отстрани се она што на нашето лице се задржува како од шминка, така и од многу надворешни влијанија. Но, постои домашен третман кој ги решава работите и не чини ни денар.
Станува збор за прастара метода која ја користеле нашите мајки и баби – парење на лицето. Интересно е дека овој козметички третман се користел уште во времето на старите Римјани, а до денес не изгубил на значењето и квалитетот, иако е подзаборавен.
Има многу бенифит од парењето на лицето – ги отвора порите, ги релаксира мускулите, ја смирува кожата, ги отстранува мртвите ќелии, ја подобрува циркулацијата, помага во борбата против акните и воопшто проблематичниот тен.
Колку често треба да се пари лицето?
- Нормална кожа – еднаш неделно
- Мрсна кожа – два пати неделно
- Сува кожа – секоја втора недела
- Чувствителна кожа – на секој месец дена
Пред постапката, симнете ја шминката и добро измијте го лицето.
Провриената жешка вода сипете ја во сад и лицето ставете го врз него. Внимавајте да не биде многу блиску, за врелата пареа да не ве испече. Преку главата, ставете пешкир и во таа положба останете неколку минути.
Потоа, измијте се со ладна вода и на лицето нанесете хидрирана крема за нега.
Доколку сакате, во водата над која го парите лицето можете да додадете сушени растенија и есенцијални масла по желба. Камилицата секогаш е добро решение.
Значи, за мека, чиста и негувана кожа – парењето на лицето е најдобар избор. И најевтин.
Сепак, бидете внимателни ако имате изразени капилари или ви е кожата склона на црвенило. Во тој случај парењето не се препорачува.