Домашни лекови, препорачани од лекари

Дали станува збор за настинка, грип, чувствителен стомак, алергии и многу слични непријатни ситуации, лекарството што ви треба, може да се крие во вашиот дом. Вистина е дека некои домашни рецеппти се докажале во времето, па затоа е добро човек да ги знае и да ги употреби пред да избере хемиски препарат. Видете кои домашни лекови се утврдиле како полезни дури и според медицината според д-р Филип Хаген, специалист по превентивна медицина во клиниката Мајо.

Мед – користете го при мали расекотини и изгореници, кашлица и воспалено грло. При механички повреди се нанесува облога од мед.

Сол – помага при проблеми со синусите и воспалено грло. За целта растворете лажичка нејодирана сол во чаша минерална вода. При воспалено грло се прави гаргара, а при синуси се вбризгува во ноздрите.

Чај од нане – користете го при болки во стомакот и лошо варење на храната.

Овесни јатки – користете при екзема, изгореници од сонце и воспаленија на кожата. Овесот содржи фитохемикалии кои имаат антивоспалителен ефект, го смирува чешањето и воспалената кожа. Растворете овесно брашно во чаша дестилирана вода. Од смесата се прават локално облоги.