Мамографија – првиот и најважен чекор при откривање на рак на градата

Да направам тест или поточно кога да направам? Ова е прашање што секоја жена мора да си го постави. Лекарите советуваат мамографија да се прави секоја година кај жените над 40 години во комбинација со самостојни прегледи во домашни услови.

И покрај тоа што сеуште постојат тези што ја оспоруваат мамографијата, сепак таа си останува сеуште најефикасниот метод за откривање на раниот стадиум на ракот на градата. Но според повеќето лекари не треба и да се претерува со мамографскиот преглед зошто самите прегледи за жените се вознемирувачки. Некои жени ги определуваат како состојба на инсулт, а честите прегледи повеќе од нормалното немаат поголем ефект при раното откривање на оваа крајно опасна болест. Сите жени треба да знаат дома пред огледалото да си направат еден преглед што значи често да си ги проверуваат градите и под пазувите и ако осетат било какво внатрешно задебелување или промена на формата веднаш да побараат и лекарско мислење.