Јамајка

20 јули, 2018
jjj

Сонцето, плажите, реге музиката, каде што се присутни Боб Марли и тиркизното синило кои се опкружени со тропска вегетација – ова е краток опис на третиот по големина Карипски остров. Кога Колумбо ја открил Јамајка, тој изјавил: “Никогаш очите не ми виделе поубав остров.„

Јамајка е островска држава на Големите Антили. Од Кубекоја се наоѓа северно оддалечена само 150 километри, а поделена е на Кајмански расцеп, чија длабочина е поголема од 7000 метри. Максимална должина на островот е 240 км, ширина 80 км. На површина од 10990 км² живеат 2,4 милиони жители. Населението е разновидно: афро американци, мулати, европејци. Главниот град на Јамајка е Кингстон, во кој се препорачува зголемено внимание за странци поради високиот степен на криминал.

Туристите во Јамајка уживаат во културата, историјата, флората, фауната, водопадите, реките и веселите жители. Едно од најубавите места на земјината топка  е Порто Антонио на североистокот на островот, од кој се добива фантастичен поглед на Сините Планини, а посетителите посебно се сеќаваат на пеењето на птиците и на тропската вегетација.

Еден од најважните приходи на островот е токму туризмот – на островот постојат сите можни видови сместување – и по цена и по квалитет.

Доста познат е и разиграниот туристички центар Негрил, во кој ќе најдете симпатични мали хотели, како и бројни all inclusive клубови. Хотели од повисока категорија врвно се опремени, а се наоѓаат на вистинска плажа од соништата.

Зоната во близина на Монтиго Беј е позната по луксузни хотели, целата област на северното крајбрежје до Очо Риос овозможува избор на мали хотели и хотели од повисоки категории.Во Монтиго Беј можете навистина да уживате во понудата на хотели за гостите. Собите и апартманите се разликуваат не само по квадратурата и опременоста, туку и попогледот кон двор или океан. Тука е и една од најдобрите голф игралишта на Карибите, Белата Вештерка на Роуз Хол Голф Клуб со 18 дупки. Луксузни хотели, голи спа центри, фитнес, масажа.

За сите сакани авантури Јамајка нуди безброј можности. Посетете ги места Негрил, Џекс, Сината Планина, Јагода Хил, Порт Антонио, Очо Риос. А по таква турнеја, ќе се одморите во еден од хотелите покрај брегот.