Јужна Африка – одмор 2018

Јужна Африка е крајно егзотична земја лоцирана на далечниот југ од африканскиот континент.

Во овој регион има некои од најстарите археолошки локалитети на планетата, особено се значајни оние со остатоци од пештерскиот човек. Сепак, за Европејците таа беше откриена од страна на португалскиот морепловец Бартоломео Дијаз тек во 1487 година. Таа е создадена и развиена како посебно одморалиште и станица за експедиции и трговски бродови на патот меѓу Европа и Индија. Најјужната точка на оваа земја и на целата Африка, место каде што диво се судираат водените маси на Атлантикот и Индискиот Океан, е поетски наречен ‘ртот Добра Надеж.

Ова е земја на бои, фантастични предели, огромниот диверзитет во однос на различни народи кои се доселуваат , но, исто така, флората и фауната заштитени во национални паркови и природни резервати. Во не толку далечното минато, тоа беше рај за лов на сафари, кој до граници на истребување донесе многу видови на животни кои слободно се шетале  низ штотуку растечките населби. Денес оружјето на ловците се заменува со опрема за снимање, што е една од најголемите атракции за туристите кои доаѓаат во Јужноафриканската Република.

Се разбира, постојат крајбрежните дестинации за уживање во задоволствата на океанот или живописните села на племињата кој го негуваат (пред се поради големиот интерес на туристите) традиционалниот начин на живот, автентична уметност, музика и танц.

Космополитската атмосфера на Кејп Таун, лозјата Франшоека со вина кои го освоиле светот, егзотична кујна … се само дополнителни причини кои секоја година привлекуваат се повеќе и повеќе туристи.

Минералните богатства, дијаманти и злато – освен што историски доведоа до многу конфликти, придонесоа за развој и имиграција на луѓе од речиси сите делови на светот во оваа африканска земја чии жители се денес популарно познат како нација на виножитото.

Во 2010 година, Република Јужна Африка беше почестена да биде домаќин на Светското првенство во фудбал.