Се враќа со 20 хит игри!

PlayStation Classic донесува со себе и 20 игри, кои не обликуваа сите нас – гејмерите!

Каква вест! Sony Computer Entertainment најави дека PlayStation верзијата ќе биде вратена во декември како PlayStation Classic, заедно со 20 игри, кои го промениле светот на гејмерите.

PlayStation Classic е по димензии изненадувачки мал, многу помал од оригиналниот, кој имаше CD читач во себе (точно 45 % помал, вели Sony) и доаѓа со два џоистика, класични, како што се користеа во деведесетите години. Во кутијата со конзолата за 99 долари доаѓа само уште USB кабел и HDMI кабел, како и кратко упатство.

Бизарно е што Sony одлучи да испорача конзола без струен адаптер, кој се купува одделно – зошто, побогу ?! Добро, тука е USB портот, но зошто да ги ограничувате корисниците само на тој извор на напојување, а и не ги држиме сите USB приклучоците по дома или блиску до телевизорот, нели?

Како и да, на конзолите се наоѓаат игрите Final Fantasy VII, umping Flash, Ridge Racer Type 4, Tekken 3 и Wild Arms. За жал, Sony не открива кои се игри доаѓаат со конзолата, па можеме да нагаѓаме – кои игри вие би сакале да ги видите на PlayStation Classic конзолите?

Sony PlayStation Classic ќе се продава на 3 декември прво во САД и Канада.

https://youtu.be/nl2h8LDq_oI