Чоколадни пралини со бисквити: Најбрз рецепт со три состојки
24 јануари, 20180
Состојки:
250 гр крем-сир намаз
500 гр чоколадни бисквити со полнеж
250 гр чоколадо за готвење
Подготовка:
Бисквитите се мелат. Издвојте мал дел кој ќе ви биде потребен за финална декорација на пралините.
Во мелените бисквити додадете крем-сир и добро измешајте додека не добиете изедначена смеса па со раце оформете топчиња со големина околу 3 см.
Чоколадото се топи на пареа, па топчињата едно по едно се валкаат во чоколадото и се поставуваат врз тацна за да се стегнат. Додека чоколадото е сеуште топло, поросете ги топчињата со мелени бисквити. Пралините треба да отстојат најмалку 3 часа во фрижидер пред да бидат послужени.