Pizza компири

Дека компирот добро оди со италијанскиот специјалитет, проверете од прва рака и уживајте во него со напиток со меурчиња.

Состојки

• 8 големи компири
• 3 лажички вегета
• 300 гр шунка за пица
• 500 мл сос од патлиџан
• 4 лажици маслиново масло
• 2 лажички оригано
• 300 гр моцарела

Подготовка

Компирите добро измијте ги и исушете. Секој компир засечете го и внатрешноста наполнете ја со вегета, ставете ги во плех за печење и дното наполнете го со вода и печете 30 минути во загреана рерна на 200 ° C.

Извадете ги компирите и во секој засек од компирите ставете шунка, прелијте ги со сос од патлиџан во која сте додале малсиново масло и оригано, секој компир посипете го со изрендана моцарела и запечете уште 7 минути, односно колку што е потребно да се стопи сирењето.

Послужете ги веднаш со чаша пиво.