Полнети кајчиња

Овој рецепт ќе го обожавате и секогаш ќе ви успее, дури и ако сте почетник во кујната.

Состав:

– 2 помали, тенки и кратки зелени пиперки

– 200 гр шампињони

– 100 гр чаден кашкавал

– 100 гр сварен ориз

– пакување со тенок насечена панцета

– сол, бибер и оригано

Подготовка:

Пиперките измијте ги па исчистете ги од семки и исечете ги на половина.Печурките ситно исецкајте ги и пропржете ги на маслиново масло, да пуштат малку сок.

Во сад промешајте го ситно исецканиот чаден кашкавал, варен ориз и зачини. Додадете ги пропржените печурки и добро измешајте.

Секое “кајче” од пиперка наполнете го со фил, а потоа замотајте го со две до три парчиња панцета, која можете да ја зацврстите на краевите со чепкалки. Печете во рерна на 180 степени околу 15 до 20 минути.