На 11 години стана милионерка со едноставен рецепт на баба и!

18 мај, 2018
14

Има само 11 години, а веќе заработува милиони. Неверојатно интелигентно 11-годишно девојче од Тексас штотуку склучи договор со 55 продавници на Whole Foods вреден 11 милиони долари за продажба на нејзиниот бренд на лимонада.

Лимонадата BeeSweet на Микаила Улмер ќе се продава во Тексас, Оклахома, Арканзас и во Луизијана. Микаила доби 60.000 долари инвестиции за почетна фаза кога се појави на реалното шоу Shark Tank на Еј-би-си, каде што се (600×400)натпреваруваат повеќе иноватори со своите идеи за да добијат инвестиции.

После шоуто таа му служеше од својата лимонада и на Барак Обама, како дел од кампањата на Google, „Dare to be Digital“ и доби бројни награди за храна и претприемништво.

Својата лимонада ја прави по рецепт со ментол, ленено семе и мед, кој го наследила од својата прабаба и дел од своите производи донира на фондации коишто ги штитат пчелите.

Микаила ја добила идејата за BeeSweet кога имала само 4 години откако двапати ја каснала пчела. „Навистина ме болеше и многу се плашев од пчелите“ вели Микаила. Но, потоа почнала да ги изучува пчелите и се случило нешто чудно – била восхитена од нив. Тогаш почнала да прави план да го искористи рецептот за лимонада од прабаба ѝ за да собере пари да им помогне на пчелите.