Се породила на 62 години

Шеесет и две годишната докторка од Шпанија – Лина Алварез ќе влезе во аналите на медицината како една од најстарите родилки на светот, бидејќи на 10 октомври роди здраво девојче.

Таа излезе заедно со девојчето од болница во градотЛуго и ги повика останатите жени да ја следат доколку сакат да имаат деца во повозрасни години.

Бебето е родено со царски рез, тешка е 2,4 килограми и добила највисоки оцени.

Ова и е трето дете на Лина Алварез, а најстарото кое има 27 години, е родено со церебрална парализа.

Жените кои се доволно здрави да родат дете во повозрасни години, не треба да се плашат тоа да го сторат. Треба да го слушаат гласот на природата, а не гинекологот, порача Алварез.