Кралицата Елизабета им подари на Меган и Хари замок!

Меган Маркл и принцот Хари повеќе нема да мора да спијат во куќичката Нотингем, туку ќе имаат свој дом во непосредна близина, бидејќи кралицата Елизабета Втора, наводно, им ја подарила куќичката Аделејд.

Аделејд се наоѓа во близина на замокот Виндзор и капелата Свети Ѓорѓи, во која Меган Марл и принцот Хари се венчаа. Самата куќа е во паркот на замокот, а паркот има два и пол квадратни километри!

Бидејќи замокот Виндзор има седум влезови и излези, двојката ќе може да го избегне вниманието на фотографите кога сака, а до Лондон има само 40 километри.

Куќичката Аделејд првично била изградена за кралицата Аделаида, сопругата на кралот Вилијам IV, уште во 1831 година. Оттогаш, многу членови на кралското семејство и нивните пријатели често ја користеле.Куќата беше реновирана во 2015 година. Главната спална соба, наводно, има таван покриен со позлатени делфини и мермерен камин во грчко-египетски стил.