Војводката од Сасекс е бремена?

Веќе е познатодека Меган Маркл и принцот Харипосакуваат деца, а нивното последно патување во Ирска може да ги крие тајните пораки што укажуваат на тоа дека неодамна венчаната кралска двојка го очекува своето прво дете.

Имено, како што пренесува „Ел“, за време на дружењето со фановите, кои Хари и војвотката од Сасекс возбудено ги поздравиле за време на нивната посета, една од присутните обожаватели, Илејн Адам-Стјуарт, на принцот му поставила незгодно прашање за татковството.
“Мојот сопруг, исто така, има црвена коса, и тој ми подари пет деца. Кога вие и Меган ќе го направите своето?” прашала чудната дама. Нејзиното духовно срочено и суптилно прашање предизвикало насмевка кај Хари па во еден од ретките моменти кога ја допреле оваа тема, принцот одговорил: “Пет деца? Премногу”.
Освен ретките можности кога Хари зборува за неговите потомци, неговата сопруга, Меган Маркл, во Даблин, исто така направила гест што може да оди во прилог на гласините за бременоста.
Имено, за време на забавата во градина што се одржала за време на нивната посета, војвотката од Сасекс подигнала чаша шампањско за да се напие, но како што се пренесува Експрес, таа се воздржала од земање голтка и чашата само ја допрела со усните.

Избегнувањето на конзумирање на алкохол од страна на Меган сигурно може да укаже дека кралската двојка наскоро би можела да ги објави среќните вести дека очекуваат дете.