Почекајте да ја видите од позади: Се шушка дека фризурата на оваа актерка ќе стане вистински хит
Британската актерка Попи Делевињ инспирацијата за косата ја пронајде во колекцијата за летото 2019 година на модната дизајнерка Емилија Викстед.
Џесика Биел, Танди Њутн, Дакота Фенинг … модните критичари се уште се обидуваат да се договорат чија тоалета од доделувањето на наградите Еми беше абсолутен хит, а која славната убавица разочара во изборот на облека.
Во секој случај, сите се согласуваат – младата британска актерка Poppy Delevingne во минт фустанот од куќата Giambattista Valli изгледаше сензационално, а нејзината фризура сигурно вреди да се копира.
Следејќи ја романтичната и ултраженствена приказна на долгите фустани со карнери на агрбот, идејата за фризурата Poppy ја позајми од последната колекција на дизајнерката Емилија Викстед, и на црвениот тепих излезе со две машни на високата опашка. Оваа фризура Викстед вчера ја презентираше на модната ревија на Лондонската модна недела, а Попи беше првата славна девојка, која имаше можност да ги носи своите машни во јавноста.
Рецептот за оваа гламурозна фризура е едноставен: фино исфенирана коса со богати бранови се расчленува со четката, потоа се измазнува во опашка високо на тилот. Една црна машна се поврзува на темето, а другата е на дното на опашот, создавајќи вистинско фризерско ремек дело.
Вака направената коса изгледа елегантно и шик, а не ви е потребна ниту гламурозна тоалета за да ја носите.
Фризурата со две машни одлично ќе изгледа со фармерки и ќе ви се допадне со пуф ракави, ретро кошули со карнери и лелеави макси фустани и фустаните во А-крој во стилот на шеесеттите.