Може ли жена да доживее оргазам без ниту еден допир?

Секс тренерот Барбара Карељас од Њујорк, тврди дека постои едноставна вештина поврзана со дишењето која жените можат да ја совладаат за да доживеат оргазам, без притоа да е вклучен било каков допир.

Барбара држи курсеви на кои ги учи жените на оваа вештина и тие предвидуваат лежење на подот, длабоко дишење и стегање на мускулите. Според она што го пренесува Daily Mail, жените кои го посетуваат курсот се целосно облечени и ги следат инструкциите на Барбара поврзани со дишењето. Движењето на колковите напред назад и испуштањето гласни звуци исто така помага во процесот.

Барбара Карељас била инспирирана за да ја создаде оваа техника во периодот на 70-тите години од минатиот век, кога била популарна терапијата преку која со помош на посебна техника за дишење луѓето можеле повторно да ги доживеат трауматичните искуства.

Иако досега не е издадено никакво научно истражување кое оди во прилог на оваа техника, вистина е дека одредени истражувања нашле поврзаност помеѓу дишењето и сексуалното возбудување.