Откриена е магична формула за пронаоѓање на идеалниот партнер

До 30-тата година, многу мажи и жени ќе се најдат во неколку врски кои не им одговараат и тоа со партнери кои баш и не им се по вкус. Но, во кој момент престануваме да бараме љубов и почнуваме да се преиспитуваме дали сме премногу пребирливи? Профоесорот по информатика и когнитивни науки, Питер Тод за новото издание на Wired одговара токму на тоа прашање.

„Најдобрата стратегија за пронаоѓање на идеалниот партнер е излегувањето на состаноци со доволен број на различни луѓе за да можете да ги утврдите своите стандарди“ – вели професор Тод.

Според неговото истражување, се чини дека токму 12 е магичниот број кога се работи за прашањето што сакаме и што бараме во врската. Откако ќе излезат на состаноци со 12 различни луѓе, поголемиот број од луѓето ќе имаат доволно информации за утврдување на посакуваните квалитети на партнерот. Статистички гледано, тоа е точка во која личностите кои сакаат да започнат заеднички живот или пак да основаат семејство престануваат со активната потрага по партнер и започнуваат долга врска со идната личност која ќе ја запознаат и која ги поседува бараните квалитети.

Но, тоа така функционира во теорија, а во пракса е малку поинаку, па обично изгледа вака: доколку излеговте на состанок со најмалку 12 луѓе, треба да продолжите да барате, а ако сте излегле на состанок со повеќе од 12, како на пример 30, тогаш најверојатно сте премногу пребирливи.

Многу е тешко да се одреди и објасни нешто како што е љубовта. Некои луѓе ја пронаоѓаат уште на првиот состанок, додека некои дури после четвртиот брак. Во која категорија спаѓате Вие?