Поради овие грешки во туширањето, кожата ви е сува и груба

Туширањето е секојдневна активност која веруваме дека ја знаеме напамет и ја правиме механички, без да размислиме дали нешто правиме погрешно.

Очигледно, и за едноставното туширање постојат 5 строги правила кои не смее да се прекршат, а веројатно секојдневно го правите тоа.

На што треба да внимавате?

Претерано жешка вода

Жешката вода ја црпи влажноста на кожата, па ја прави сува, наместо да ја освежи. Не чекајте да забележите иритации и црвенила на кожата, туку веднаш оладете ја водата.

Претерано долго туширање

Како и кај претерано жешката вода, така и долгото туширање ја суши и „мачи“ кожата, наместо да ја чисти. Плус, ќе излезете многу поизморени, наместо полни со енергија. Запомнете, туширањето не смее да трае подолго од 10 минути.

Користење големи количини пена

Ако гелот за туширате ви прави многу пена, значи дека содржи додатоци кои не се баш најздрави за кожата. Тоа доведува до сува и груба кожа. Советот е едноставен – променете го.

Користење стари и влажни сунѓери

Сунѓерите, луфите и ракавиците кои се постојано влажни се идеален начин бактериите да се развијат, а потоа да стигнат по целото ваше тело. Менувајте ги на секои 4 недели и сушете ги по секое бањање.

Грубо бришење на кожата

Сосема е во ред телото да остане малку влажно. Не ја тријте кожата додека не се зацрвени. Потоа, на малку влажна кожа нанесете крема или млеко за да го сочувате нејзиното здравје.